Tryggingar

Í gildi er samningur milli Vatnsleysustrandarhrepps og VÍS um tryggingar. Innifalið í þeim samningi er trygging skólabarna. Sveitarfélagið veitir öllum skólabörnum tryggingu vegna slysa. Helstu skilmálar eru þessir:

Tryggingin nær til allra nemenda sem skráðir eru í skólann.
Tryggingin gildir þann tíma sem skólinn starfar.
Tryggingin tekur til allra slysa sem nemendur kunna að verða fyrir í eða við skóla og á leið til og frá skóla.
Tryggingin tekur til hvers þess nemanda sem verður fyrir líkamstjóni eða dauða af völdum slyss, hvernig sem slysið ber að, hver sem á sök á því og hvort sem slysið verður við nám eða leik.
Eigin áhætta í hverju slysakostnaðartjóni er kr. 12.000.
Tjón á eigum nemenda, s.s. fatnaði, gleraugum og þess háttar er ekki bætt nema það verði rakið til mistaka starfsmanna skólans.

Slys ber að tilkynna til skólayfirvalda og tryggingafélags.