Almennt um umgengni

Í frímínútum mega nemendur í 7.-10. bekk vera inni á sal skólans, gegn góðri umgengni. Þeir nemendur sem valda ónæði eða koma illa fram skulu þó vera úti í frímínútum, verði tekin ákvörðun um slíkt.
Nemendur 1. – 6. bekkjar fara út í frímínútum nema veður eða annað hamli. Minnt er á viðeigandi klæðnað, skófatnað og hlífðarföt — að nemendur klæði sig eftir veðri. Einnig er minnt á ekki er samþykkt að nemendur komi þannig klæddir í skóla að skíni í beran búk.

Skólinn er vinnustaður okkar allra, göngum vel um hann.
Förum vel með allar eigur hans og annarra.
Förum úr útiskóm í anddyri og setjum þá í skóhillurnar. Yfirhafnir hengjum við upp í kennslustofum og í fatahengi.
Í stofunum á allt að vera í röð og reglu eftir hverja kennslustund.