Þróunarstarf í Stóru-Vogaskóla

Það er mikilvægur hluti í starfi hvers skóla að fylgjast með og taka upp nýja kennsluhætti sem stuðlað geta að bættu skólastarfi. Í Stóru-Vogaskóla hefur þetta verið gert á undanförnum árum með ýmsum hætti og má þá m.a. nefna skipulagt þemanám á yngsta stigi, einstaklingsmiðað námsferli, Regnbogaverkefni og með samstarfsverkefni í Comeniusaráætlun Evrópusambandsins. Nýjasta verkefnið er Primalinguea en það er sömuleiðis verkefni á vegum Evrópusambandsins þar sem skólar um gjörvalla Evrópu eru að vinna samskonar verkefni og hafa samband milli sín með þeirri fjölbreyttu samskiptatækni sem nútíma tölvutækni býður uppá.