Það mættu 13 nemendur úr stóru-Vogaskóla í keppni og skemmtun í Akurskóla í gær, 14.  maí. Auk okkar voru lið frá Myllubakkaskóla, Heiðaskóla, Njarðvíkurskóla, Holtaskóla og tvö frá Akurskóla.

 

Báturinn sem okkar lið hannaði og smíðaði sigldi greitt yfir laugina, hitti nánast í mark og var næst fljótastur. Hann stóðst allar kröfur, t.d. um stærð og að nota vistvæna orku, og var verðlaunaður fyrir hönnun og virkni.

Þriggja  manna reiptogsliðið okkar lenti í lauginni eftir langa og æsispennandi keppni. Sannaðist þá að enginn er verri þótt hann vökni!

Að lokum kepptu 8 manna lið í að leysa 10 vísindaþrautir og náði þar næstbestum árangri. Þar reyndi á að vera samtaka og fljótur að hugsa.

Krakkarnir tóku sig vel út í svörtu keppnisbolunum og hegðun öll til fyrirmyndar.