Skólabókasafn

Forstöðumaður: Svava Bogadóttir

Starfsmaður: Elín Þóra Albertsdóttir

Markmið:

• að kenna nemendum að nota bókasöfn
• örva lestur
• tryggja auðveldan aðgang að safnkosti
• að nemendur geti fundið og notað upplýsingar á skilvirkan hátt

Bókasafnið er staðsett miðsvæðis á 1. hæð í skólanum og er um 100 fm að stærð. Vinnuaðstaða er fyrir 14.

Safngögn: Bókasafnið á rúmlega 14.000 bækur og einnig nokkurt úrval af hljóðbókum, mynddiskum og myndböndum. Safnkosturinn er skráður í landskerfi bókasafna, Gegni – www.gegnir.is

Bókasafnið veitir alla almenna þjónustu, s.s. útlán, upplýsingaþjónustu, aðstoð við heimildaleit o.fl.

Útlán:

Allir nemendur og starfsmenn skólans geta fengið lánaðar bækur og gögn af safninu.

Það er hægt að fá flestar bækur bókasafnsins að láni, en ýmsar handbækur eru einungis til notkunar á safninu.

Nemendur mega mest vera með þrjár bækur í láni í einu.

Útlánstími á bókum er 30 dagar. Í flestum tilfellum er þó hægt að fá framlengingu á láni.

Myndbönd, mynddiskar og kennsluleiðbeiningar eru einungis lánuð kennurum Stóru-Vogaskóla.

Hljóðbækur eru lánaðar nemendum sem eiga í lestrarörðugleikum.

Sá sem tekur bók að láni ber ábyrgð á henni. Ef hún týnist eða skemmist verður viðkomandi nemandi eða forráðamaður hans að bæta safninu bókina.

Nokkrar reglur:

Tökum tillit til annarra og göngum hljóðlega um safnið.

Förum vel með bækurnar og önnur safngögn.

Við setjum bækurnar aftur á sinn stað í hillu eftir að hafa skoðað og lesið.