5. bekkur í undirbúningi fyrir Vindahátíð
Vindhátíð á Reykjanesi
Samvinna Stóru-Vogaskóla og Grunnskólans í Sandgerði
Í marsmánuði munu nemendur á miðstigi eða 5.,6., og 7. bekk skólanna vinna að þemaverkefni þar sem þemað er vindurinn.
Nemendur í 5. bekk beggja skóla unnu saman þann 5. mars í Grunnskólanum í Sandgerði. Þar voru unnin verk sem svífu í vindi.
Aðalleiðbeinandi smiðjunnar var Pétur Örn Friðriksson myndlistamaður.
Nemendur í 6. bekk beggja skóla munu síðan vinna saman þann 12. mars í Grunnskólanum í Sandgerði. Þar verða unnin verk sem gefa frá sér hjóð í vindi. Aðalleiðbeinandi smiðjunnar verður Valgerður Guðlaugsdóttir myndlistamaður.
Nemendur í 7. bekk beggja skóla munu síðan vinna saman þann 19. mars í Stóru-Vogaskóla. Þar verða unnin verk sem hreyfast í vindi. Aðalleiðbeinandi smiðjunnar verður Anna Hallin myndlistamaður.
Þann 27. mars klukkan 13:00 til 14:30 mun svo verða haldin lokahátíð við Stóru-Vogaskóla í Vogum. Þar munu nemendur beggja skóla sýna skólafélögum, foreldrum og öllum sem vilja sjá, verk sín og virkni þeirra. Eftir sýningu verða til sölu inni í skólanum kökur sem 9. og 10. bekkir skólanna bökuðu.
Verkefnið hlaut styrk frá Menningarráði Suðurnesja. Sjá myndir á myndasafni skólans.
