Frístund 2026-2027
Í Stóru-Vogaskóla er boðið upp á dægradvöl sem heitir Frístund fyrir nemendur í 1.–4. bekk eftir að hefðbundnum skóladegi lýkur og starfar hann frá kl: 13:00 til 16:00. Frístund er staðsett í skólanum.
Umsjónarmaður: Linda Ösp Sigurjónsdóttir og Erla Ösp Ísaksdóttir
Starfsmenn: Nihad Hasecic (Cober), Melkorka D. Þórhallsd. Laustsen, Finnur Valdimar Friðriksson, Ástrós Ösp Gunnarsdóttir og Sylwia Kunda
Símanúmer Frístundar: 855-6225 frá 13:00-16:00 (erla.isaksdottir@vogar.is , linda.sigurjonsdottir@vogar.is)
Símanúmer ritara skólans: 440-6250 frá 7:40-15:30 (ritari@vogar.is)
Símanúmer Sveitafélagsins Voga: 440-6200 (skrifstofa@vogar.is)
- Í Frístund er skipulögð dagskrá þar sem hugað er að frjálsum leik, útivist, listum, fræðslu og hreyfingu.
- Byrja nemendur á útiveru fyrir utan skólann milli kl: 13:00-13:40
- Nemendur fá síðdegishressingu sem kemur frá Skólamat í Tjarnarsal milli kl: 14:00-14:30.
- Mikilvægt er að foreldrar láti vita ef börnin forfallast, til starfsmanns Frístundar eða ritara skólans, einnig hægt að senda sms í farsíma Frístundar.
- Mikilvægt er að börn séu með viðeigandi klæðnað því frístundastarf er mikið útivið.
- Frístund starfar einnig á svokölluðum skertum nemendadögum en er lokaður á skipulagsdögum og í vetrarleyfum skólans, t.d. jóla-, páska-og vetrarfríi.
- Þegar sótt er um dvöl í Frístund þarf að fylla út umsókn rafrænt í gegnum íbúagátt sveitafélagsins eða hafa samband við skrifstofu sveitafélagsins í síma: 440-6200. Sótt er um fyrir hvert skólaár í senn. Ef vistunartíma er breytt skal gera það fyrir 15. hvers mánaðar, sama á við þegar um uppsögn er að ræða. En það fer einnig í gegnum íbúagáttina.
- Tilkynna þarf sérstaklega, til umsjónarmanns Frístundar, um íþrótta-og tómstundastarf sem barnið þarf að sækja innan tíma frístundar. Skrifstofa Sveitarfélagsins Voga sér um innheimtu gjalda fyrir Frístund, inn á heimasíðu sveitafélagsins má sjá verðskrá fyrir gjaldárið.
