6. nóvember 2008

Fundur í Tjarnarsal

Stefnumót við framtíðina
undirbúningur að skólastefnu fyrir sveitarfélagið Voga
Stefnumótið verður mánudaginn 10. nóvember, 2008 í Tjarnarsal
 
Kæru Vogamenn !
 
Ákveðið hefur verið að móta skólastefnu fyrir Voga. Nú gefst ykkur einstakt tækifæri til að móta skólastefnu fyrir samfélagið okkar á stefnumóti sem haldið verður mánudaginn 10. nóvember, 2008 kl. 19.00-20.30 í Tjarnarsal.
 
Dagskrá:
  1. Stefnumótið hefst, Áshildur Linnet formaður fræðslunefndar
  2. Hvað felst í mótun skólastefnu? Ólafur H. Jóhannsson, HÍ
  3. Skólastefna í Garðinum, Oddný Harðardóttir bæjarstjóri
  4. Hugarflug – Hugmyndir íbúa Voga að innihaldi skólastefnu
  5. Stefnumóti frestað, Áshildur Linnet formaður fræðslunefndar
 
 
Eftir stefnumótið verður skipaður samráðshópur sem mun halda áfram að vinna með þær hugmyndir sem komu fram. Í samráðshópnum verða fulltrúar skólanna, félagsstarfsins, foreldra, ungmenna og nemenda.
 
Það er von okkar að sem flestir Vogamenn nýti sér tækifærið til að hafa áhrif á mótun stefnu bæjarins í þessum mikilvæga málaflokki.
 
Kveðja,
Fræðslunefnd
 
 
 
  • Vogar
  • Saft
  • Heimili og skóli
  • Barnaheill
  • Mentor
  • Twinning School