Laus staða aðstoðaskólastjóra skólaárið 2025-2026

Laus staða aðstoðarskólastjóra skólaárið 2025-2026

Við leitum að metnaðarfullum og hæfum einstaklingi til að gegna stöðu aðstoðarskólastjóra tímabundið við Stóru-Vogaskóla skólaárið 2025-2026 vegna námsleyfis. Starfið felur í sér að styðja við skólastjóra í daglegum rekstri skólans og samskipti við nemendur og foreldra.

Í Stóru-Vogaskóla eru um 220 nemendur í 1.-10. bekk í ört stækkandi sveitarfélagi. Lögð er áhersla á fjölbreytt, metnaðarfullt og skapandi skólastarf. Einkunnarorð skólans eru virðing, vinátta og velgengni sem endurspeglast í daglegu starfi. Í skólanum er góður starfsandi og hefur skólinn á að skipa öflugu og áhugasömu starfsfólki.

Skólinn er staðsettur í einstöku umhverfi í nálægð við fjölbreytta náttúru. Stóru-Vogaskóli er Grænfána, UNESCO og Erasmus+ skóli.

Helstu verkefni og ábyrgð:

• Aðstoð við daglegan rekstur skólans
• Stjórnun og stuðningur við kennara og annað starfsfólk
• Samskipti við nemendur og foreldra
• Þátttaka í stefnumótun og þróun skólastarfs
• Önnur verkefni í samráði við stjórnendateymi

Menntunar- og hæfniskröfur:

• Leyfisbréf til kennslu
• Reynsla og/eða menntun í skólastjórnun er æskileg
• Góð tölvukunnátta, mjög góð þekking á Mentor, upplýsingatækni og notkun rafrænna miðla í kennslu og starfi
• Reynsla og þekking af stundatöflugerð er æskileg
• Íslenskukunnátta á stigi C1 samkvæmt samevrópskum tungumálaramma
• Framúrskarandi samskiptahæfni, lausnamiðun og hæfni til að vinna í teymi
• Frumkvæði, sjálfstæði, skipulögð vinnubrögð og faglegur metnaður

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands vegna Skólastjórafélags Íslands.

Umsækjendur skulu hafa hreint sakavottorð sbr. 11. gr. laga um grunnskóla nr. 91/2008.

Umsóknum skal fylgja skrá yfir menntun og starfsferil, afrit af leyfisbréfi og kynningarbréf.

Umsóknarfrestur er til og með 4. apríl. Umsóknir skulu berast á netfangið hilmar@vogar.is

Nánari upplýsingar veitir Hilmar Egill Sveinbjörnsson skólastjóri.