Laust starf skólaritara
Auglýst er staða ritara við Stóru-Vogaskóla, um 100% starf er að ræða. Umsækjandi þarf að geta hafið störf 1. ágúst næstkomandi.
Starfið reynir á marga mismunandi hæfileika, en hæfni í mannlegum samskiptum, áhugi og ánægja af vinnu með börnum og ungmennum skipta miklu máli. Viðkomandi þarf að vera jákvæður og skipulagður.
Umsækjandi þarf að hafa góða tölvukunnáttu og gott vald á íslensku. Stúdentspróf og/eða víðtæk reynsla af skrifstofustörfum eða starfi í skóla æskileg. Um laun og kjör fer eftir samningum viðkomandi stéttarfélags og Launanefndar sveitarfélaga.
Umsóknarfrestur er til 5.maí 2015
Nánari upplýsingar veitir:
Svava Bogadóttir, skólastjóri í síma 440-6250. Fyrirspurnir og umsóknir skal senda á: svavaboga@vogar.is
