Skemmtileg hátíð á Comeniusardegi
Undanfarin tvö ár hefur Stóru-Vogaskóli verið í samstarfi við skóla í Belgíu, Tékklandi, Englandi og Noregi um verkefnið The World Around Us þar sem áhersla er lögð á tungumálakennslu í gegnum umhverfið. Hluti af verkefninu er Comeníusardagur sem haldinn er einu sinni á ári og var nú haldinn föstudaginn 21. nóvember.
Margt skemmtilegt var gert að þessu sinni, fánar málaðir, spilað spil sem unnið hefur verið að sameiginlega í öllum skólunum, farið í leiki, hlustað á tónlist, bækur lesnar auk þess sem skoðuð myndbönd frá hinum skólunum í verkefninu. Það telst einnig til nýlundu að börnin fengu tækifæri til að tala við börn í belgíska skólanum og var þar notast við tölvuforritið Skype. Þá gátu nemendur fengið að smakka mat frá öllum löndunum,
Nemendur 1. - 4. bekkjar voru þátttakendur í Comeniusardeginum og margir komu að heiman með ýmsa hluti sem tengdust samstarfslöndunum fimm.
