Vinavika í Stóru-Vogaskóla
Í þessari vikur verða svonefndir vinadagar í skólanum þar sem yngri og eldri nemendur vinna saman eftir ákveðnu skipulagi. Hér má sjá dagskrá vikunnar.
Vinavika í Stóru-Vogaskóla 14. – 18. mars 2011.
Þessir bekkir verða paraðir saman:
1.b og 10.b
2.b og 7.b
3.b og 6.b
4.b og 8.b
5.b og 9.b
Bekkirnir hittast tvisvar:
Í fyrstu (kl. 8:00) kennslustund á þriðjudag og föstudag.
Á þriðjudaginn syngur yngri bekkurinn fyrir þann eldri og sá eldri les sögur fyrir þann yngri (mætti hugsanlega víxla líka?).
Á föstudag (eða fyrr) velur eldri bekkingur sér yngri bekking og hvert par teiknar aðra höndina sína (hlið við hlið) á maskínupappír og skreytir og skráir nöfnin við. Það þarf að búa til tvö sett svo hver bekkur fái sitt eintak til að hengja upp í stofunni sinni.
Umsjónarkennarar hvers bekkjarpars þurfa að hittast sem snöggvast og bera saman bækur.
Síðan þurfa þeir að undirbúa hver sinn bekk, t.d. í umsjónartíma ef þess er kostur.
Þorvaldur er boðinn og búinn að leika undir söng hjá einhverjum, verði þess óskað. Einnig að undirbúa einhvern af eldri bekkjunum ef einhver umsjónarkennari á erfitt með að koma því við.
