Vorsýningin á uppstigningardag

Mikil hátíð var í Stóru-Vogaskóla á uppstigningardag. Þá sýndu nemendur afrakstur vetrarins og buðu öllum bæjarbúum í skólann. Hver bekkur var með sýnishorn frá flestum námsgreinum, nemendur sýndu meðal annars vinnubækur, textílverkefni, smíðaverkefni, myndmenntaverkefni, leir- og glerverkefni o.fl.

Í náttúrufræðistofunni var ýmislegt til sýnis sem tengist náttúrufræði og umhverfinu. Í heimilisfræðistofunni var boðið upp á ævintýraland bragðlaukann. Þar fengur gestir að smakka hinar ýmsu bragðtegundir og reyndu að átta sig á hvort þeir þekktu bragðið.

6. bekkur notaði tækifærið og var með fjáröflun fyrir bekkinn, en hann stefnir á ferð í skólabúðir í Reykjaskóla í Hrútafirði. Nemendur 6. bekkjar sáu um kaffisölu í Tjarnarsal og skemmtilega hlutaveltu þar sem kenndi ýmissa grasa.